Аарцагны үрэвсэл....
- xnrzulb05
- 9월 3일
- 1분 분량
최종 수정일: 9월 8일
Аарцагны үрэвсэл нь зөвхөн доод хэвлий хэсгээр өвдөлт мэдрэгддэггүй, харин үрэвслийн тархалтаас хамаарч олон хэсгээр өвдөлт илэрч болно.
Өвдөлт илрэх хэсгүүд:
Доод хэвлий (хэвлийн доод хэсэг): Хамгийн түгээмэл байрлал, зүүн/баруун тал эсвэл төв хэсэгт өвдөх.
Аарцагны төв хэсэг: Умайн эргэн тойронд үрэвсэлтэй үед хүчтэй сарын тэмдгийн өвдөлттэй төстэй өвдөлт.
Нуруу, бүсэлхий: Мэдрэлийн цочролоос болж нурууны өвдөлт мэт мэдрэгдэж болно.
Цавь, хажуу хэсэг: Өндгөвч, өндгөвчийн гуурсан хоолой хүчтэй үрэвсэхэд өвдөлт цацарч мэдрэгдэнэ.
Бэлгийн харьцааны үед: Үтрээний гүн хэсэгт өвдөх (бэлгийн харьцааны өвдөлт)
Аарцагны үрэвсэлтэй хавсардаг шинж тэмдгүүд:
Аарцагны үрэвсэл нь зөвхөн хэвлийн өвдөлтөөр хязгаарлагдахгүй, бүх биеийн шинж тэмдгүүд илэрч болно.
Халуурах, дагжин чичрэх.
Үтрээнээс хэвийн бус ялгадас гарах (идээтэй, эвгүй үнэртэй).
Хэвийн бус цус алдалт, сарын тэмдгийн мөчлөг алдагдах.
Шээх үед зовиур, ойр ойрхон шээх.
Хүндэрсэн тохиолдолд үргүйдэлд хүргэж болзошгүй
Эмчилгээ ба арчилгаа.
Эхний үе / хөнгөн тохиолдол: Антибиотик уух эмчилгээ, өвдөлт намдаах эм.
Дунд болон хүнд хэлбэр: Эмнэлэгт хэвтэн эмчлүүлэх, судсаар антибиотик тарих
Архаг эсвэл дахилттай тохиолдол: Өндгөвчний гуурсан хоолойн наалдац, гэмтэл зэргээс хамаарч мэс заслын эмчилгээ шаардлагатай байж болно.
Аарцагны үрэвсэл – энгийн хэвлийн өвдөлт биш аарцагны үрэвслийг зүгээр л “хэвлийн өвдөлт” гэж андуурч болох ч,эмчилгээгүй удвал эмэгтэйчүүдийн эрүүл мэндэд сөрөг нөлөө үзүүлдэг.
Хэрэв танд доод хэвлийн өвдөлт эсвэл хэвийн бус ялгадас байнга давтагдаж байвал,аль болох хурдан хугацаанд эмэгтэйчүүдийн эмчид үзүүлэх шаардлагатай.
댓글